বড়োভূমিৰ ভূমি বিবাদৰ প্ৰসংগ

যোৱা কিছুদিন ধৰি বড়োভূমিৰ ভূমি বিবাদ প্ৰসংগত অঞ্চলটোত অন্তৰ্গত অনাবড়ো লোকসকলৰ উপৰিও অঞ্চলটোৰ বাহিৰৰ বুদ্ধিজীৱীসকলে বিভিন্ন প্ৰচাৰ মাধ্যমত ভুল ব্যাখ্যা আগবঢ়াবলৈ চেষ্টা কৰিছে। তেওঁলোকে অঞ্চলটোৰ বড়োসকলৰ বাহিৰে আন জনগোষ্ঠীৰ লোকসকলৰ ভূমিৰ অধিকাৰ খৰ্ব কৰা বুলি আলোচনা অব্যাহত ৰাখিছে (বড়ো আৰু অবড়ো শব্দ দুটা ব্যৱহাৰ কৰি)। আচলতে জনজাতীয় আৰু অজনজাতীয় লোকৰ ভূমি হস্তান্তৰ প্ৰসংগহে আলোচনা হ’ব লাগে। বড়ো আৰু অবড়োৰ নহয়। যিহেতু বিটিএডি নতুন ভূমি আইন প্ৰণয়ন নকৰি The Assam Land and Revenue Regulation 1886 আইন অনুসৰিয়ে ভূমি সম্পৰ্কীয় কামকাজ চলাই থকা হৈছে (যদিও বড়ো চুক্তি অনুসৰি তেওঁলোকে নতুন ভূমি আইন প্ৰণয়ন কৰিব পাৰে), গতিকে সেই আইনখনৰ ভিত্তিত অঞ্চলটোৰ জনসাধাৰণৰ ভূমিৰ অধিকাৰ সম্পৰ্কে কৰা আলোচনাহে যুক্তিসংগত হ’ব। 

[প্ৰকাশিত, ‘আমাৰ অসম’, ১৮ মাৰ্চ ২০১৮]